An 10 Leabhair is Fearr liom léamh do na Naíonáin // The 10 Books I most like to read to the Infants

Micí Meabhrach

Scríofa ag Simon James agus aistrithe go Gaeilge ag Uinsionn Ó Domhnaill.

Foilsithe ag An Gúm.

Scéal faoi bhabaí óg atá an-chliste go deo atá ann. Bíonn an nuachtán á léamh aige, téann sé ar scoil, oibríonn sé mar dhoctúir san ospidéal agus téann sé amuigh sa spás. Is scéal iontach greannmhar é agus is breá leis na páistí é.

2015-05-14 19.53.11

Nóinín agus Róllaí Póllaí

Scríofa ag Eibhlís Ní Dhonnchadha agus maisithe ag Dómhnal Ó Bric.

Foilsithe ag An Gúm.

Scéal álainn le léamh ag tús an earraigh. Buaileann Nóinín le seilide, le h-éan atá gnóthach, le damhán alla atá dána, le beacha atá dúr, le féileachán atá galánta agus le cat atá crosta go dtí go n-aimsíonn sí a cara, Róllaí Póllaí faoi dheireadh. Bíonn bláthanna uilig an earraigh le feiceáil aici ar an mbealach. Tá ceithre amhráin bheaga mar chuid den scéal agus tá dlúthdhiosca a thagann leis an leabhar.

2015-05-14 19.54.53

Nóinín agus Siar Aniar!

Scríofa ag Eibhlís Ní Dhonnchadha agus maisithe ag Dómhnal Ó Bric.

Foilsithe ag An Gúm.

Sa leabhair seo tá Nóinín i mbun aicsin arís lena cairde éagsúla ón gcéad leabhar thús ach an uair seo is scéal samhraidh atá ann agus buaileann siad le portán darbh ainm Siar Aniar. Arís tá dlúthdhiosca leis agus tá na hamhráin go hiontach sa leabhair seo.

2015-05-14 19.55.06

Déanann Rosie Réidh

Scríofa agus maisithe ag Trisha Deery.

Foilsithe ag Dog Ears.

Is scéal álainn seo faoi chailín óg agus í ag gléasadh le dul ag cóisir bhreithlá. Tá na pictiúir álainn amach is amach agus osclaíonn amach cuid de na leathanaigh chun iad a dhéanamh níos mó. Seo i gcónaí ceann de na scéalta gur fearr leis na naíonáin.

2015-05-14 19.55.22

Vera agus a Veidhlín

Scríofa ag Máire Breatnach agus maisithe ag Robert Ballagh.

Foilsithe ag An Gúm.

Scéal álainn faoi Vera óg. Faigheann sí a céad veidhlín agus tosaíonn sí ag foghlaim conas é a sheinnt le cabhair ó Mhamaí agus ón múinteoir ceoil. Is treoirleabhar iontach é d’aon pháiste – ach go háirithe nuair atá siad ag tosú ar uirlis ceoil nua.

2015-05-14 19.54.05

Dónall an Chlúimh agus An-Ocras Air!

Scríofa ag Eric Carle agus aistrithe go Gaeilge ag Denis Courtney.

Foilsithe ag Scholastic.

Seo an scéal atá ar eolas againn go léir agus é go hálainn as Gaeilge. Níl páiste ar bith amuigh ansin nach mbeadh faoi dhraíocht ag breathnú ar Dhónaill agus é ag aistriú ina fhéileachán álainn.

2015-05-14 19.53.32

Spidey

Scríofa ag Carmel Uí Cheallaigh agus maisithe ag Fintan Taite.

Foilsithe ag Cló Mhaigh Eo.

Scéal iontach faoi Shéimí beag. Tá an-suim aige sna damháin alla agus tá samhlaíocht den chéad scoth aige. Dar leis, bíonn damháin alla le feiceáil i ngach áit. Baineann na páistí uilig sult as scéal seo – iad gur maith leo damháin alla agus iad go bhfuil eagla orthu rompu chomh maith.

2015-05-14 19.54.21

Is breá le Lúlú an Leabharlann

Scríofa ag Áine Nic Cuinn agus maisithe ag Rosalind Beardshaw.

Foilsithe ag Alanna Books.

Leabhar dheas seo ina dtéann Lúlú ag an leabharlann. Faigheann sí cárta leabharlainne, éisteann sí le scéal á léamh, roghnaíonn sí leabhair agus labhrann sí leis an mbeann atá taobh thiar den chuntar. Tagann CD leis an leabhar ar a bhfuil an scéal le cloisteáil i 22 teanga éagsúla.

2015-05-14 19.54.38

Bronntanas do Mhamaí

Scríofa ag Vivian French, aistrithe go Gaeilge ag Máire Nic Mheanman agus maisithe ag Dana Kubrick.

Foilsithe ag An Gúm.

Breithlá Mhamaí atá ann agus tá fadhbanna ag Séimí óg agus é ag déanamh iarrachta bronntanas a eagrú di. Sa deireadh, tugann sé bosca folamh di – atá lán go barr de phóga móra. Gleoite amach is amach.

2015-05-14 19.53.49

Cáca don Rí

Scríofa ag Ailbhe Nic Giolla Bhrighde agus maisithe ag Steve Simpson.

Foilsithe ag Futa Fata.

Tá Rúbaí ag déanamh cácá don Rí agus é fíor-thábhachtach go mbeadh sé foirfe. Airm luchóga a bhíonn ag cabhrú léi. Dar ndóigh, tarlíonn tubaiste agus ag an nóiméad deirneach bíonn ar gach éinne oibriú le chéile chun chóisir bhreithlá an Rí a shábháil.

2015-05-14 19.55.35

Freagra

Rangaithe faoi Litearthacht // Literacy

Freagra

Líon amach do chuid faisnéise thíos nó cliceáil ar dheilbhín le logáil isteach:

Lógó WordPress.com

Is le do chuntas WordPress.com atá tú ag freagairt. Logáil Amach /  Athrú )

Pictiúr Google+

Is le do chuntas Google+ atá tú ag freagairt. Logáil Amach /  Athrú )

Peictiúr Twitter

Is le do chuntas Twitter atá tú ag freagairt. Logáil Amach /  Athrú )

Pictiúr Facebook

Is le do chuntas Facebook atá tú ag freagairt. Logáil Amach /  Athrú )

Ceangal le %s